Sam 24:1 ah - “Leilung leh a chhûnga thil awm zawng zawng hi LALPA ta ani a; Khawvel leh a chhûnga chengte nên hian,” tih kan hmu a. Nimahsela hmelmapa setana hian Pathian ta leh a thilsiam zawng zawng hi a va han tawmpui nasa tehlul em tih ka ngaihtuah thin! Kan nitin zantin nunah leh hun hman ah te leh kan neih thilah te hian thiam takin alo inrawh ve zel mai alo ni. Pastor emaw, Kohhran upa emaw rawngbawltu emaw tumah hmaih bik maw a nei hauh lo. Setana mizia leh a tactic leh a hamnrua te hi kan hriatchian a tul hle awm e.

KOH KAN NI

- Laldinliana Varte

Tunlai India rama kristianten boruak danglam kan tawng mek a. Kum kalta a tihduhdahna thleng tawh ah chuan a titute an in zep thin a, tun kum tihduhdah naah hi chuan ual au takin a titute an in puang a. Orissa tana Synod anga tawngtaina kan neih hmasak ber zana ka rilrua lo lang chu “Engvanginnge Orissa kher?” Ringtu an tlem a, rethei zawk te an ni a. An hmel leh an tawrhna te TV-a lo lang chuai chuai a. Chuti chung chuan Pathian in Hindustan ah thawm nei turin a ko a ni si a. Engatinge Mizoram, Nagaland, Meghalaya te kristian kan tam teh lul nen India ram ah kan kristianna in thawm a neih loh? Mizo kristiante hian koh kan nihna zawn hi kan hai a ni mai thei a ni. Chuvangin koh kan nih dan chi thumah then in zir turin ka rawn chhawp chhuak dawn a ni.