David L. Ralte (Founder)

www.tanpuitu.org

He website "www.tanpuitu.org" hi Dt. 28th August, 2008 khan ka chenna inah bible te chhiara tawngtainate ka hman laiin ka rilruah chiang tak mai in siam tura hriattirna ka dawng a. Thu leh hla te ka thiam lova, thlarau lamah lah ka hniam zia ka inhria a. Tin, thiamna leh finna lamah lah eng tihna mah ka nih loh zia te ka ngaihtuaha ka huphurh hle maia mahse tlanchhiatna tur dang ka hre si lo...

Jeremia 47:7-ah "Lalpan tih tur a pek si che chuan engtin nge i awm hle hle theih ang," alo tih miau avangin Pathian tanpuina dil chungin he website hi ka siam ta a. Sum leh pai lamahte, thiamna leh finna lamahte, tha leh zung senga min puitu tumah ka nei lova, Pathian rinchhan tak meuh meuhvin bul ka tan a. Ka tan Lalpa a tha em em a, mi te angin themthiam ve lo mah ila, ka phu tawk ang zelin tihdan tur min zirtira, min hrilh ni berin ka hriaa ka lawm em em a ni.

He website-in a tum ber chu mi tamtak kawng hrang hranga harsatnate, lungngaihnate, mangannate, natnate, hrehawmnate an tawh avanga Pathian lak ata thlenga beidawng tawh te leh chau te tan thleng pawha Pathian tanpuina te, siamthar leh na te, chak thar lehna te leh Pathian malsawmna - taksa, rilru leh thlarauva an lo chan thar leh theih nan a ni a. He rawngbawl hna hi keimah ringawt chuan thil huphurhawm tak anih zia pawh chiang takin ka hria a. Lalpan rem atih chuan mi tha tak tak, Pathian mi hman tlak te pawh he rawngbawl hna hi Pathian malsawmtlak alo nih chhoh zel nan min la pe ang tih ring chungin ka kal chho ve mek ani.

A tawp berah chuan, he rawngbawl hna hi i tui zawng tak anih a, Pathian ropui nan tel ve duhna thinlung i nei anih chuan inthlahrung hauh lovin min rawn contact turin ka sawm nghal che a. Mahni hmingthat tumna leh intihlarna lampang rilru ka pu lova, Ikorinth 10:31-ah , "Chutichuan in ei pawhin, in in pawhin, in tih apiangah pawh, Pathian ropuina tur hlirin ti rawh u," ti a min zirtir ang hian Lalpa ropui nan leh midangte tana malsawmna alo nih beisei leh ring chungin ka theihna zawng zawng nen he hna hi ka thawk mek ani.

Bible chang innghahna:

"Kei atan zawng nun hi Krista a ni si a, thih pawh hlawkna a ni." Philippi 1.21