RINNA
C. Lalfakzuala (Mafaka) - The Healing Touch Ministry
Hebrai 11:1-ah chuan, "Tin, rinna hi thil beiseite awm ngeia hriatna, thil hmuh lohte awm ngeia hriatna, thil hmuhlohte hriatfiahna a ni", tih kan hmu a. Chhandamna chang tur te, Pathian hnen thleng tura kalna leh rawngbawlna a Pathian thilmak lo thlenna turin "RINNA" hi a pawimawh ber zinga mi ani.
Rinna chu Greek tawngin Pistis (noun) leh Pisteuo (verb) thenhrangin thuthlungtharah tum 240 aia tam ziah a ni a. Pistos (adjective) pawh vawi 67 lai kan hmu a ni. Chuvangin Ring, rinna, beiseina tiin a sawi theih awm e. Rinna chuan Lal Isua nena min thlunzawm hi a tum ber a ni a (Johana 3:18), chuvangin, taksa damnate, thiltihtheihna te (Marka 9:23) leh chatuan nunna neihna a ni. (Johana 5:24)
RINNA CHU KHAWI A MI NGE?
Rom 10:17-ah chuan "Chutichuan, rinna chu hriatna avangin a lo awm thin a, tin, hriatna chu Krista thu avangin alo awm" tiin kan hmu a. Tihian sawi ta ila... Rinna kalkawngah chuan 'hriatna' alo awm hmasa ber a, chu hriatna neihtirtu chu thlarau thianghlim a ni a (1Johana 5:7-8, IKor. 2:10), a hriattir chu Krista thu a ni ta ni. (IJohana 5:6, Johana 5:24). Tichuan rinna chu Krista avangin a lo awm ta a (Tirh. 3:16) kan rinna siamtu leh tifamkimtu chu lal Isua a lo ni ta ani (Heb. 12:1).
Pathian kan rinna chu ama hnen atanga min pek a nih avangin a ropui em em a. Mi thenkhatin ring thei pawh kan ni lo an tih fo thin hi a awm fo thin (mihring lam rinna, pathian tanpuina tello an sawinaah ngai ila). Ramhruaitute pawhin an ringa, an khur thin ani (Jakoba 2:19). Pathian vang nilova mahni rilru ring mai maitu chu mi a ani a (Thufingte 28:26) chuvangin ring thei tur chuan 'Lalpa ah' a innghat a. Mahni hraitna ah a innghat lo a nih chu (Thuf. 3:5). kan rinna nghahna hmun tur chu amah (Pathian) ah a ni a, thinlung zawng zawnga rin a ngai a ni.
ENGTINNGE KAN RIN ANG?
Pathian hnen atangin rinna chu bawm lianpui, a chhunga awmna tham khawpa lian ang chu a ni a. Rinna bawm chhungah chuan lutin chu rinn bawm ah chuan 'ring' chungin kan chuang ta a. Rinna bawmin min hruainaah chuan awm reng pawh a lo tul a (IIKKor. 13:5), rinna bawm min hruaina avang chuan ring chungin kan lo kal a ni.
HRIATNA
Rinna chu hriatna avangin a lo awm anih si chuan (Rom 10:17), chu hriatna chu engtinnge kan neih tak ang le? Joba'n 'Benga hriatna mai zawngin ka hre tawh che' a tih hi enge a awmzia ni ta ang le? Amah hi mi famkim, mi ngiltak, Pathian tih mi, thiltha lo laka insum thei mi a ni a (Joba 1:1) mahse, "Benga hriatna mai chauh in Pathian a hria a, chu hriatna chu "a rinna siamtu", a ni thei dawn em le?
Tirhkoh Paulan a pianthar thu a sawi khan kan pathianin "Saula, Saula, nangin engatinge mi tihduhdah hi?" tiin damaska khaw kiangah a rawn biak thu a sawi a. "Tin, ka thiante chuan eng chu an hmu na a, mi betu aw erawh chu an hre lo" (Tirh. 22:6-9) a ti a. Paulan a be tu aw a hriat lai khan a bul ami te chuan an hre tlat lo mai ani. Lal Isuan Johana 14:9-ah khan Phillipa hnenah "Phillip, hei leh chen hi in hnenah ka awma, chuti pawhin mi hre lo maw? (Johana 14:9) a ti bawk a. Lal Isua hnena khawsa mekte pawhin an hre tlat lo anih chu mawle! Engtizia nge ni ang? Mihringin Pathian chu benga kan hriatna (hearing) hi Pathianthu chuan 'hriatna' a tih hi a ni lova, joba pawhin "tunah zawng ka hmu ta che" a tih theihna chhan hi mihring beng hriatna nilovin Pathian atanga hriatna vang zawk ani.
Rinna nei tura hriatna (Pathian thu) lo thlen thin dan hi kawng hnihin han sawi ta ila. Pakhatnaah chuan - pianthar hmaa lo thleng a awma, chu nchu tirhkoh Paula nun ah khan kan hmu a, Lal Isua ringtute tiduhdah tura a kal lai takin damaska khaw dai ah van ata eng in a chhun a, "Saula, Saula, nangin engatinge mi tihduhdah hi? a rawn ti a. Chu chu hriattirna kan sawi chu a ni. Chu hriatna avang chuan Lal Isua alo ring ta a ni. Lal Isuan, "Tupawh ka thupek te nei a zawm chu mi hmangaihtu a ni.... keipawh in a ni chu ka hmangaiha a hnenah ka inlar ang" (Johana 14:21). Abrahama pawh UR khua atangin a pianthar hma in kal chhuak tura Pathian kohna a dawng bawk anih kha. Pahnihnaah chuan hre reng si a zawm duh lo an awm leh a. Israel faten Kanaan ram an pan lai khan ti hian a sawi a, "anih leh tunge hre reng si a ti vui kha? (Heb. 3:16) a ti a. Rinna nei tur a Pathian thu (hriatna) lo thleng zawm duhlo tu te an awm tho ani. Heng tehkhin thu pahnih atang hian Pathian aw hriattheih dan hi thil chi hnih a awm tih kan hriat a pawimawh a ni.
Rinna a kan pen na hrang hrangah hian a pawimawh ber zinga mi chu kan thu hriat kha "zawmtu" nih a pawimawh em em a ni. Lal Isuan, "Tin, engatinge ka thu zawm si lova, Lalpa, Lalpa min tih thin" (Lika 6:46) a tih laiin a thu hriaa zawm apiang chu lungpui chunga in sa ang a tehkhin thung a ni. (Luka 6:47)
Engvanginnge Camping, Crusade-a kal zingah te Pathian aw hre thei miah lo Piangthar lo an awm thin?... he khawvel pathian hian an rilru a tidel thin (IIkor.4:3-4, IKor. 2:14). Anih loh leh ringtu in ti te hian kan hre bik em ni? Zawlnei Amosa chuan, "Diktakin Lalpa Pathian chuan a rawngbawltu, a zawlnei hnenah a thuruk hrilh lovin engmah a ti lovang" (Amosa 3:7) a ti si a. Rinna a kan pen lai in tluk leh din fawmin kan awma. Kan rawngbawlna pawh a nung lo fo thin a. Rinna in kan kal ta lo em ni ang le?
Israelte sualna avangin Lalpa thu chu hlu hle mahsela, alanga inlarna te a awm lova (ISamuela 3:1) chuvang chuan Israel te chu sual avangin an tla darh a. Anmahni huikhawmtu tur Puithiam Elia lah chu a fate sualna a tha en mai mai avangin Puithiam nimahsela Pathianin a be ngai ta lova, a aiah naupangte Samuela a be ta zawk anih kha (ISamuela 3:3-14). Khawvel rilru putna leh tisa laka inhmang ringtu hian 'Pathian aw' kan lo hre thei thin lo a ni zawk. Chuvangin, rinna min hruaitu 'hriatn' kan hriat / dawn loh chuan mitdel ang lo niin, rinna kan pensan thin ani.
1. Engpawh, Rinna lova tih chu sual a ni si a (Rom 14:23)
2. Rinna lovin Ama lawmzawng mi nih rual a ni lo. (Heb. 11:6)
3. Rin lohna avangin a chawlhna-ah an lut thei lo. (Heb. 3:18-19)
4. Rinna avanga khawngaihna a chhandam in ni. (Ephesi 2:8)
5. Tin, ama hming rin avangin a hming chuan he mi in hmuh leh in hriat thin hi a ti chak ta a ni; a ni, amah avangin rinna lo awm hian in za-a mithmuhah a tidam ta viah anih hi. (Tirh. 3:16)
6. Paula chuan a ni chu a en renga, damna turin rin a nei tih a hria a. (Tirh. 14:9)
7. Tupawh mi ring chuan thil ka tih te hi ani pawhin ati ve ang; heng aia thil ropui pawh hi ani pawhin ala ti ang. (Johana 14:12)
8. I rin chuan Pathian ropuizia i hmu ang ka ti lo che em ni. (johana 11:40)
9. Ka fanu I rinna hi i dampui a ni e. (Luka 8:48)